Psalmi chapter 53 tag:/www.fsspx-fsipd.lv,2026-04-10:20260410 2026-04-10T11:30:02+03:00 tag:/www.fsspx-fsipd.lv,2026-04-10:20260410 2026-04-10T11:30:02+03:00

В конец, в песнех разума Давиду, внегда приити Зифеем и рещи Саулови: не се ли, Давид скрыся в нас? Боже, во имя Твое спаси мя и в силе Твоей суди ми. Боже, услыши молитву мою, внуши глаголы уст моих: яко чуждии восташа на мя, и крепцыи взыскаша душу мою, и не предложиша Бога пред собою. Се бо, Бог помогает ми, и Господь заступник души моей: отвратит злая врагом моим: истиною Твоею потреби их. Волею пожру Тебе, исповемся имени Твоему, Господи, яко благо: яко от всякия печали избавил мя еси, и на враги моя воззре око мое.

Pro Hereditate Catholica admin@/www.fsspx-fsipd.lv