Psalmi chapter 52 tag:/www.fsspx-fsipd.lv,2026-04-10:20260410 2026-04-10T07:58:30+03:00 tag:/www.fsspx-fsipd.lv,2026-04-10:20260410 2026-04-10T07:58:30+03:00

В конец, о Маелефе, разума Давиду. Рече безумен в сердцы своем: несть Бог. Растлеша и омерзишася в беззакониих, несть творяй благое. Бог с небесе приниче на сыны человеческия, видети, аще есть разумеваяй или взыскаяй Бога. Вси уклонишася, вкупе непотребни быша: несть творяй благое, несть до единаго. Ни ли уразумеют вси делающии беззаконие, снедающии люди моя в снедь хлеба? Господа не призваша. Тамо устрашишася страха, идеже не бе страх: яко Бог разсыпа кости человекоугодников: постыдешася, яко Бог уничижи их. Кто даст от Сиона спасение Израилево? Внегда возвратит Бог пленение людий Своих, возрадуется Иаков и возвеселится Израиль.

Pro Hereditate Catholica admin@/www.fsspx-fsipd.lv