Psalmi chapter 46 tag:/www.fsspx-fsipd.lv,2026-04-10:20260410 2026-04-10T01:08:34+03:00 tag:/www.fsspx-fsipd.lv,2026-04-10:20260410 2026-04-10T01:08:34+03:00

В конец, о сынех Кореовых, псалом. Вси языцы, восплещите руками, воскликните Богу гласом радования: яко Господь Вышний страшен, Царь велий по всей земли: покори люди нам и языки под ноги наша: избра нам достояния свое, доброту Иаковлю, юже возлюби. Взыде Бог в воскликновении, Господь во гласе трубне. Пойте Богу нашему, пойте: пойте Цареви нашему, пойте. Яко Царь всея земли Бог, пойте разумно. Воцарися Бог над языки: Бог седит на престоле святем Своем. Князи людстии собрашася с Богом Авраамлим: яко Божии державнии земли зело вознесошася.

Pro Hereditate Catholica admin@/www.fsspx-fsipd.lv