Psalmi chapter 147 tag:/www.fsspx-fsipd.lv,2026-04-29:20260429 2026-04-29T22:50:57+03:00 tag:/www.fsspx-fsipd.lv,2026-04-29:20260429 2026-04-29T22:50:57+03:00

Похвали, Иерусалиме, Господа, хвали Бога твоего, Сионе: яко укрепи вереи врат твоих, благослови сыны твоя в тебе. Полагаяй пределы твоя мир, и тука пшенична насыщаяй тя: посылаяй слово Свое земли, до скорости течет слово Его, дающаго снег свой яко волну, мглу яко пепел посыпающаго, метающаго голоть Свой яко хлебы: противу лица мраза Его кто постоит? Послет слово Свое, и истает я: дхнет дух Его, и потекут воды. Возвещаяй слово Свое Иакову, оправдания и судбы Своя Израилеви: не сотвори тако всякому языку, и судбы Своя не яви им.

Pro Hereditate Catholica admin@/www.fsspx-fsipd.lv