Psalmi chapter 141 tag:/www.fsspx-fsipd.lv,2026-04-29:20260429 2026-04-29T15:44:31+03:00 tag:/www.fsspx-fsipd.lv,2026-04-29:20260429 2026-04-29T15:44:31+03:00

Разума Давиду, внегда быти ему в вертепе молящемуся. Гласом моим ко Господу воззвах, гласом моим ко Господу помолихся. Пролию пред Ним моление мое, печаль мою пред ним возвещу. Внегда изчезати от мене духу моему, и ты познал еси стези моя: на пути сем, по немуже хождах, скрыша сеть мне. Сматрях одесную и возглядах, и не бе знаяй мене: погибе бегство от мене, и несть взыскаяй душу мою. Воззвах к Тебе, Господи, рех: Ты еси упование мое, часть моя еси на земли живых. Вонми молению моему, яко смирихся зело: избави мя от гонящих мя, яко укрепишася паче мене. Изведи из темницы душу мою, исповедатися имени Твоему: мене ждут праведницы, дондеже воздаси мне.

Pro Hereditate Catholica admin@/www.fsspx-fsipd.lv