Psalmi chapter 121 tag:/www.fsspx-fsipd.lv,2026-04-25:20260425 2026-04-25T00:36:12+03:00 tag:/www.fsspx-fsipd.lv,2026-04-25:20260425 2026-04-25T00:36:12+03:00

Возвеселихся о рекших мне: в дом Господень пойдем. Стояще бяху ноги нашя во дворех твоих, Иерусалиме. Иерусалим зиждемый яко град, емуже причастие его вкупе. Тамо бо взыдоша колена, колена Господня, свидение Израилево, исповедатися имени Господню: яко тамо седоша престоли на суд, престоли в дому Давидове. Вопросите же яже о мире Иерусалима: и обилие любящым тя. Буди же мир в силе твоей, и обилие в столпостенах твоих. Ради братий моих и ближних моих глаголах убо мир о тебе. Дому ради Господа Бога нашего взысках благая тебе.

Pro Hereditate Catholica admin@/www.fsspx-fsipd.lv